D'n Opstaeker 2010

De Blierickse kunstenares Gerda van der Sterren haet veur de kommende vastelaovend D'n Opstaeker ontworpe. Oet 'n aantal ideeje hebbe Jocus, De Wortelepin, d'n Oeles en De Belhamels 't oetintelikke ontwerp gekaoze. 't Is 'n brok mit 5 ballonne. De letste ballon stelt de gemeinte Arce en Velde veur mit de dorpskern Lomm die richting Venlo komme. D'n Opstaeker is 'n soort broche dae steit veur 'n dreejtal zake: 'n bliek van waardering veur de vuule vreejwilligers die allerlei vastelaovesaktiviteite organisere in Venlo, Blierick, Tegele en Belvend; 'n bliek van betrokkeheid mit de vastelaovend en 'n financiele opstaeker veur de vastelaovesvereiniginge. De veer stadsdeilvereiniginge van de gemeinte Venlo haope det de inwoeners, net als veurgaonde jaore, weer massaal dees vastelaovesbroche zulle kaupe um daomei de vastelaovesaktiviteiten van de diverse vereinige te ondersteune.

Gerda van der Sterren druueg de vastelaovend 'n werm hert toe. "'t Is ein uuting van kreativiteit op allerlei gebiede." De Blierickse aquarelliste, det jaorelangk veur de klas haet gestaon, is min of mier autodidact. "Ik heb altied geschilderd en netuurlik heb ik verschillende cursusse gehad. As ik 'n opdrach krieg, laef ik mich in 'n bepaolde situasie hielemaol in". De Blierickse kunstenares schildert zoewaal abstrak as netuurgetrouw. (Bron: Jocus.nl)

De Worteleschrabberszal zal de verkaup in den Bookend veur eur raekening neeme. Te kaup beej elke aktiviteit of beej Peter Titulaer. Vanaaf de 11e v/d 11e is d'n Opstaeker te verkriege!

pries 5 euro