Worteleschrabbers 𝗧𝗿𝗶𝗼 𝟮𝟬𝟮𝟯

Vriedaagaovend 20 jannewari is in ein bómvol Boostenhof ’t Worteleschrabbers Trio van 2023 oetgeroope. Dit jaor gaon Prins Kay I (Jeurissen), adjudante Dennis (van Hooft) en Tim (Storer) ôs vereiniging veur as trio.

Gaer stelle weej ôs trio aan ôg veur:

Prins Kay I zet zich al jaore verdeenstelik in veur Vastelaoves Vereiniging de Worteleschrabbers in diverse rolle. Zoeë is hae al jaore lid van de wieze Raod van Elf. In ’t dageliks laeve werk hae beej Janssen Distribution Services in Blierik, det duit hae al 18 jaor as IT specialist. Zien hobby’s zien aete koake, uiteraard auk op aete en knómmele met de automatisering in hoés. Verbouwe van zien eigen hoés duit hae auk gaer en is dae de aafgelaupe jaore drök mit bezig gewaes.

Adjudant Dennis is auk al jaore verdeenstelik lid van de vereiniging, waoronder lid van de wieze Raod van Elf. Dennis werk beej de Veiligheidsregio Noord-Limburg as brandweerman en woënt met zien vriendin Maud al jaore in ’t riek van de Wortelepin in Blierik. Same met adjudant Tim zien ze al jaore vrinde van elkaar.

Adjudant Tim is genne onbekinde in ‘t groëet Venlosche Vastelaoves gedruis. Zoëe is hae in 2018 hoëegheid gewaes van VG de Törvers met ózze huidige hoëegheid Prins Kay I, dae toen adjudant waar. In ‘t dageliks laeve werkt Tim as occasionmanager beej Wensink Automotive waor hae ‘t merk Mercedes-Benz probeert te verkaupe. Auk is Tim getrouwd met de zus van Prins Kay I en woëent in Venlo.

Prins Kay I, adjudante Dennis en Tim gaon de vastelaovend dit jaor in met ’t motto
“Met de vlam in de piep door de Bookendse pas
In tropische sfeere zien weej gans in òzze sas
Hertog Jan dae mak ut aaf Alaaf”

en haope ôg allemaol te zeen op de nog te kómme evenemente, maar netuurlijk op òzze groeëte receptie op zóndaag 12 fibberwari vanaaf 17.00 beej Kefee-Fiészaal Boostenhof in d’n Bookend.