𝗝𝘂𝗯𝗶𝗹𝗲𝘂𝗺𝘁𝗿𝗶𝗼 𝟮𝟬𝟮𝟰 

Gaer stelle weej ós trio aan óg veur:

Vriedaagaovend 12 jannewari is in fiéstzaal Boostenhof in d’n Bookend, door vorst Raspedorius IV (Patrick Janssen), ut prinselijk trio van 2024 oetgeroope. Hans Lenders geit dit jaor, as prins Hans I, de scepter zweien in ut Worteleschrabbersriék, hae zal heej in weare beej gestaon door zien adjudanten, Luc (de Haas) en Ruud (Huys). Ut nieje trio zal dit 44 –jäörig jubileumjaor veurop gaon in d’n Bookend.

Prins Hans I is 50 jaor en genne onbekinde in de Bookend, hae heat zich de afgeloape decennia op mierdere vlakken ingezatte veur de Bookender gemeinschap. Hans I is zelfstandig ongernimmer in met name creatieve, culturele en sociaal maatschappelijke thema’s. Hans I is boete de Bookend veural bekint um zien groéte inzet veur verbaeterde bewustwording, respect en acceptatie veur de roze ofterwiel raegenboog gemeinschap.

Adjudant Luc is 44 jaor en woent sinds 2019 in d’n Bookend, Luc is jaore collega gewaes van prins Hans I, en is buurman van adjudant Ruud, Luc haet zich good ingeburgerd in d’n Bookend en is actief betrokken beej mierdere evenementen die in de Bookend plaats vinge. Luc is zelfstandig ongernimmer “De Haas InteriorPartner” en is gespecialiseerd in de project-realisatiesector veur interieurbouw en aafbouw.

Adjudant Ruud is 44 jaor en zeker genne onbekinde in de Bookendse Vastelaovend, zoe waas hae in 2010 prins in d’n Bookend, auk is hae 22 jaor lid van de vereiniging as raodslid, Ruud is auk lid van de technische commissie. In ut dageliks laeve werkt Ruud as heftruckmonteur beej MotracLinde.

Ze viere deze vastelaovend onger ut motto

“Saame hange weej de vlag oet!”